Зяленскі агучыў, чаго чакае ад Шмыгаля і Мінабароны Украіны

• 18.07.2025, 16:21

Гаворка ідзе пра дроны, удары і рэформы.

Прэзідэнт Украіны Уладзімір Зяленскі правёў нараду з міністрам абароны Дзянісам Шмыгалем і паставіў яму задачы.

Як Зяленскі напісаў у Telegram, зараз ідзе фактычна аўдыт дамоўленасцяў, якія патрабуюць паскоранага кантрактавання. У прыватнасці, гэта датычыцца дронаў, і асабліва дронаў-перахопнікаў.

- Даручыў тэрмінова заключыць усе адпаведныя кантракты , звязаныя з дронамі, якія патрэбныя Сілам абароны Украіны. Таксама абмеркавалі забеспячэнне дыпстрайкаў - частату нашых удараў, прыярытэтныя задачы. Удзячны ўсім прыцягнутым падраздзяленням за трапнасць, - напісаў Зяленскі.

Таксама на панядзелак Шмыгаль рыхтуе прадстаўленне канкрэтнай праграмы работы Міністэрства і прыярытэтаў, якія будуць рэалізаваныя ў кароткі тэрмін, наступнымі тыднямі,а таксама сярэднетэрміновых, за наступныя шэсць месяцаў.