У Беларусі банкі ўводзяць валютныя змены

• 18.07.2025, 16:36

Каго яны закрануць?

У некаторых банкаў адбыліся валютныя змены. Яны тычацца ўкладаў і пераводаў грошай, адзначае «Зеркало».

“МТБанк” з 15 жніўня зменіць памер камісіі за залічэнне грошай гатоўкаю на рахунак у замежнай валюце, да якога прывязаная картка.

“Тэхнабанк” з 16 ліпеня ўвёў змены ў P2P-пераводах ( перасылка грошай паміж фізічнымі асобамі наўпрост без пасярэднікаў).

"Белгазпрамбанк" з 14 ліпеня прыпыніў прыём тэрміновых укладаў для фізічных асоб у еўрах ("На 7 месяцев безотзывный — лояльный”, “На 13 месяцев безотзывный — лояльный”, “На 25 месяцев безотзывный — лояльный” і “На 25 месяцев безотзывный — лояльный плюс”).

“Альфа-Банк” з 16 ліпеня ўвёў змены ў пераліку адсоткаў ў безадзыўных укладах у замежнай валюце.

"Банк ЗГБ" з 1 ліпеня ўнёс змены ў дамовах разліковага рахунку ў беларускіх рублях, далярах, еўрах, расейскіх рублях і кітайскіх юанях.

Нагадаем, “Белгазпрамбанк” з 12 ліпеня павялічыў ліміт выдачы наяўных грошай у сваіх банкаматах з картак, якія выпушчаныя банкамі-нерэзідэнтамі. Новы ліміт — 600 даляраў альбо эквівалент у іншай валюце цягам 30 содняў.