Politico: Вялікабрытанія ўвяла санкцыі супраць расейскіх шпіёнаў

• 18.07.2025, 16:51

У NATO падтрымалі дзеянні краіны.

Вялікабрытанія абвесціла ўвядзенне санкцый у дачыненні да 18 афіцэраў расейскай вайсковай выведкі (ГВУ), а таксама трох падраздзяленняў спецслужбы, якія маюць дачыненне да ўдараў па цывільных аб'ектах ва Украіне і кібератакаў супраць Захаду. Пра гэта паведамілі ў брытанскім МЗС, піша Politico (пераклад - сайт Charter97.org).

Санкцыі прадугледжваюць замарозку актываў і забарону на ўезд у Вялікабрытанію для ўказаных асоб. Пад абмежаванні таксама трапіў расейскі медыяпраект "Афрыканская ініцыятыва", які распаўсюджваў дэзінфармацыю і тэорыі змовы ў краінах Заходняй Афрыкі, падрываў давер да кампаній у галіне аховы здароўя.

Адно з падраздзяленняў ГВУ - воінская часць 26165 - абвінавачваецца ў выведвальнай дзейнасці і ўдзеле ў навядзенні ракетных удараў па ўкраінскім горадзе Марыупаль ў 2022 годзе. Падраздзяленне 26165 мае дачыненне да бамбавання Марыупальскага драмтэатра, дзе, паводле ацэнак, загінулі ад 300 да 600 чалавек, нягледзячы на вялізны надпіс “дзеці” перад будынкам.

Гэтае ж падраздзяленне раней было звязана з кібератакамі на Бундэстаг у 2015 годзе, серверы Дэмакратычнай партыі ЗША ў 2016-м і перадвыбарную кампанію Эмануэля Макрона ў 2017-м. У 2024 годзе Францыя абвінаваціла яго ў атаках на інфраструктуру Алімпіяды ў Парыжы.

Падраздзяленне 29155 абвінавачваецца ў распаўсюдзе праграмы WhisperGate, якая ўразіла дзясяткі ўкраінскіх урадавых сістэм перад уварваннем у 2022 годзе.

Сярод іншага, санкцыі закранулі агентаў, якія заразілі тэлефон Юліі Скрыпаль за пяць гадоў да спробы яе атручэння ў Солсберы ў 2018 годзе.

NATO падтрымала дзеянні Вялікабрытаніі, асудзіла "шкоднасную кіберактыўнасць Расеі", заявіла аб салідарнасці з Лонданамі і падтрымала дзеянні краіны.