У Чэхіі забаранілі прапаганду камунізму

• 18.07.2025, 18:41

Прэзідэнт Чэхіі падпісаў закон.

Прэзідэнт Чэхіі Пётр Павел у пятніцу, 18 ліпеня, падпісаў папраўкі ў крымінальны кодэкс краіны, якія ўводзяць крымінальную адказнасць за прапаганду камунізму, паведамляе партал Euractiv..

Прапаганда камуністычнай ідэалогіі зараз будзе прыраўноўвацца ў Чэхіі да нацысцкай прапаганды. За яе будзе пагражаць пакаранне да 5 год пазбаўлення волі. Адказнасць прадугледжаная для любога, хто "стварае, падтрымлівае або прапагандуе нацысцкія, камуністычныя ці іншыя рухі, відавочна накіраваныя на падаўленне правоў і свабод чалавека або распальванне расавай, этнічнай, нацыянальнай, рэлігійнай або класавай нянавісці".

Змена закона адбылася пасля заклікаў шэрагу чэшскіх даследчых інстытутаў, а таксама Інстытута ў вывучэнні таталітарных рэжымаў, выправіць тое, што яны назвалі прававым дысбалансам.

Забарону на прапаганду камунізму асудзіла Камуністычная партыя Багеміі і Маравіі (КПЧМ), якую ўзначальвае дэпутат Еўрапарламента ад Чэхіі Кацярына Канечная. У партыі назвалі ініцыятыву "правальнай спробай паставіць КПЧМ па-за законам і запалохаць крытыкаў цяперашняга рэжыму".

Як адзначае Euractiv, незразумела, як новы закон будзе прымяняцца да такіх партый, як КПЧМ. Цяпе партыя не мае месцаў у парламенце, але, паводле апошніх апытанняў, яе альянс набірае 5% галасоў - дастаткова для вяртання ў ніжнюю палату на выбарах у кастрычніку 2025 года.