Маскву і Растоў атакавалі дроны: спынены рух цягнікоў

• 19.07.2025, 8:03

Пачаўся транспартны калапс.

У Маскве і Растове-на-Доне ўночы 19 ліпеня прагрымелі выбухі. Расейцы паведамілі пра атаку беспілотнікаў.

Пра гэта паведамляе РБК-Украіна са спасылкай на мясцовыя суполкі і расейскія СМІ.

Маскоўскі мэр Андрэй Сабянін сцвярджаў, быццам беспілотнікі былі збітыя на падлёце да расейскай сталіцы.

«На месцы падзення абломкаў працуюць спецыялісты экстранных службаў», - паведамляў Сабянін.

Выбухі раздаваліся таксама ў раёне падмаскоўнага Дзмітрова і Зеленаграда.

Акрамя таго, на атаку беспілотнікаў паскардзіліся ў Растоўскай вобласці. Паводле звестак РЧ, праз пашкоджанне кантактнай сеткі прыпынены рух цягнікоў на перагоне Ліхая - Замчалава.

Расейцы паскардзіліся на транспартны калапс, заявіўшы, што міжгароднія цягнікі затрымліваюцца на некалькі гадзін.