«Вогненны шар упаў»: паніка ахапіла Падмаскоўе

• 19.07.2025, 13:32

Мясцовыя жыхары расказалі пра атаку дронаў.

Жыхары падмаскоўнага горада Дзмітрова ўбачылі і пачулі гукі беспілотніка, які ляціць у бок сталіцы краіны-агрэсаркі. Пасля гэтага яны пачулі выбухі, піша OBOZ.UA.

У сеціве жыхары Дзмітрова паведамляюць пра пажар на месцы выбуху. Таксама людзі распавядаюць, што знайшлі абломкі, імаверна, украінскага дрона.

Часовыя абмежаванні ўведзеныя ў маскоўскім аэрапорце Дамадзедава, паведамляе Расавіяцыя. Хоць прычына не паведамляецца, часцей за ўсё ёю становіцца менавіта пагроза беспілотнікаў.

"Нешта падобнае да беспілотніка з гучным гукам кружыла. Потым ён паляцеў і стала так гучна. Быў выбух, быццам вогненны шар упаў. А потым быў гук, як ад знішчальніка, ён не спыняўся яшчэ нейкі час», - расказваюць людзі.

Аналагічныя паведамленні аб «вогненным шары» і выбуху прыйшлі ад жыхароў вёскі Зверкава. Яны расказалі, што перад гэтым нешта лётала над дамамі. Такія гукі (з іх слоў «па даху шуганула») таксама суправаджаліся пажарам.

Бачылі і чулі выбухі і ў суседнім Зеленаградзе, прычым тут распавядалі аж пра серыю выбухаў. Мэр Масквы асобна паведаміў аб працы СПА ў гэтым горадзе.

Ён дадаў, што «на месцы знаходжання абломкаў працуюць спецыялісты экстранных службаў».