Легіён «Свабода Расеі» праткнуўся на 30 км у тыл ворага і знішчыў «кадыраўцаў»

• 19.07.2025, 17:20

Сталі вядомыя дэталі рэйду.

17 ліпеня дыверсійна-выведная група легіёна «Свабода Расеі» ажыццявіла глыбокае пранікненне больш чым на 30 км у тыл часова акупаванай тэрыторыі Украіны ў Запарожскай вобласці.

Як паведамілі ў прэсавай службе Легіёна, мэтай аперацыі была дэмаралізацыя супраціўніка і ліквідацыя ваеўнікоў з падраздзялення «Ахмат», якіх у заяве называюць «здраднікамі ічкерыйскага народа».

У часе аперацыі ў выніку адраснага падрыву службовага аўтамабіля былі знішчаныя прынамсі тры кадыраўцы. Акрамя таго, легіянеры сабралі каштоўную выведную інфармацыю аб лагістычных маршрутах, наяўнай тэхніцы і месцах размяшчэння камандных пунктаў супраціўніка.

Як зазначана ў справаздачы, усе ўдзельнікі аперацыі цяпер знаходзяцца ў бяспецы, а сам рэйд названы цалкам паспяховым.