УСУ рассакрэцілі планы войска РФ у раёне Пакроўска

• 19.07.2025, 14:16

І развеялі варожыя фэйкі.

На фронце сітуацыя застаецца вельмі напружанай, аднак заявы расейскіх прапагандыстаў пра нібыта прарывы не адпавядаюць рэчаіснасці. Пра гэта расказаў спікер АСГВ «Хорціца» Віктар Трагубаў у эфіры тэлеканала «Еспресо».

Паводле ягоных слоў, ужо тыдзень абстаноўка ў зоне адказнасці АСГВ «Хорціца» застаецца нязменна складанай. Асабліва актыўныя расейцы на Новапаўлаўскім, Пакроўскім і Ліманскім кірунках, дзе фіксуюцца пастаянныя атакі.

Пры гэтым найбольшую актыўнасць вораг праяўляе менавіта на Пакроўскім кірунку.

«Расейцы спрабуюць прасунуцца на поўнач ад лініі Пакроўск-Канстанцінаўка. Там засяроджана больш за ўсё расейскіх сіл і сродкаў. Расейцы спрабуюць развіваць наступ у кірунку Канстанцінаўкі, а таксама вораг спрабуе абысці Пакроўскую агламерацыю з боку Мірнаграда», – растлумачыў Трагубаў.

Ён адзначыў, што, акрамя Пакроўскага, вораг працягвае штурмы на Краматорскім, Тарэцкім і Северскім кірунках, дзе УСУ трымаюць абарону і адбіваюць атакі. Пры гэтым прадстаўнік «Хорціцы» падкрэсліў, што заявы расейскіх уладаў і вайскоўцаў пра нібыта актыўны штурм Пакроўска ці нават замацаванне на тэрыторыі Днепрапятроўскай вобласці з'яўляюцца адкрытай хлуснёй і элементам інфармацыйнай вайны.

Трагубаў заявіў, што не ўспрымае ўсе заявы ворага і нікому не раіць гэта рабіць. На некаторую інфармацыю, з ягоных словах, проста не варта звяртаць увагі, бо яна не падмацаваная фактамі.