The Times: Забіты ў Кіеве палкоўнік СБУ адказваў за падрыў «Паўночнага струменю»
- 19.07.2025, 14:33
Ён таксама быў ініцыятарам ліквідацыі Аляксея Мазгавога, верхавода групоўкі «Прывід».
Забіты ў Кіеве палкоўнік СБУ Іван Вароніч правёў мноства аперацый, кожная з якіх магла зрабіць яго мэтай расейскай выведкі. Ён быў адным з «каардынатараў» падрыву газаправода «Паўночны струмень», піша газета The Times са спасылкай на свае крыніцы.
Як распавялі выданню крыніцы і калегі Вароніча, ён быў «спакойным і ціхім чалавекам, які падтрымліваў сябе ў выдатнай фізічнай форме».
Ён часта добраахвотна адпраўляўся на небяспечныя заданні. С звестак крыніц у выведцы, Вароніч ўступіў у элітнае спецыяльнае падраздзяленне СБУ «Альфа» і ўдзельнічаў у аперацыях у тыле ворага ў Курскай вобласці.
«Паводле звестак крыніц, ён таксама выкарыстаў марскія беспілотнікі супраць расейскага Чарнаморскага флоту і быў намеснікам у падраздзяленні палкоўніка рамана Чарвінскага, які, паводле звестак Washington Post, быў «каардынатарам» падрыву трубаправода «Паўночны струмень», - піша выданне.
Таксама адна з крыніц сцвярджала, што Вароніч быў ініцыятарам засады і забойства ў 2015 годзе Аляксея Мазгавога, лідара групоўкі «Прывід», прарасейскай групоўкі на ўсходзе Украіны.
Любая з гэтых сувязяў магла прывесці да таго, што ён стаў мэтай расейцаў, паведамляюць крыніцы.
Украінскія спэцслужбы таксама ажыццявілі шэраг дзёрзкіх забойстваў на тэрыторыі Расеі афіцэраў і пілотаў, якіх яны абвінавачвалі ў ваенных злачынствах. Аднак рэакцыя Украіны на забойства Вароніча будзе іншай, паабяцаў генерал-маёр Віктар Ягун.
«Гэта будзе той жа ўзровень, што і аперацыя «Павуцінне», - сказаў ён.
Пры гэтым экспэрты прагназуюць, што выведвальная вайна будзе працягвацца яшчэ доўга пасля заканчэння баявых дзеянняў, і шпіёны будуць расстрэльваць адзін аднаго на вуліцах замежных сталіц.
«Расейцы будуць шукаць украінскіх агентаў у Еўропе. Украінцы не захочуць забіваць расейскіх агентаў на тэрыторыі хаўруснікаў, але, імаверна, у Тайландзе, Афрыцы і падобных месцах» , — сказаў былы агент СБУ Іван Ступак. «Гэтыя забойствы будуць працягвацца па ўсім свеце яшчэ доўгія гады».