Кіраўніца Цэнтрабанка РФ папярэдзіла расейцаў пра будучыя «неспакойныя часы»

• 2.07.2025, 18:28

Расейская эканоміка праходзіць праз перыяд «цыклічнага перагрэву».

Кіраўніца Цэнтрабанка Эльвіра Набіуліна мяркуе, што наперадзе Расею чакаюць «вельмі неспакойныя часы». Яе словы паведамляе ТАСС.

«Мы адаптаваліся да нейкіх знешніх выклікаў. Не, у нас наперадзе вельмі неспакойныя часы», – сказала Набіуліна на Фінансавым кангрэсе Банка Расеі.

Паводле словаў Набіулінай, расейская эканоміка праходзіць праз перыяд «цыклічнага перагрэву з цыклічным астуджэннем», што з'яўляецца неўнікнёнай рэакцыяй на дэфіцыт фізічных рэсурсаў, у тым ліку працоўнай сілы.