Запарожская АЭС страціла знешняе энэргазабеспячэнне

• 4.07.2025, 20:47

Сілкаванне ажыццяўляецца ад дызель-генератараў.

Акупаваная расейцамі Запарожская АЭС у выніку адключэння высакавольтнай лініі 750 кВ «Дняпроўская» страціла знешняе электразабеспячэнне, пра гэта паведаміла прэс-служба станцыі ў тэлеграм-канале.

Чыннікі адключэння лініі высвятляюць. Сілкаванне ўласных патрэбаў ажыццяўляецца ад дызель-генератараў.

Абсталяванне станцыі «знаходзіцца ў бяспечным стане», паведаміла прэс-служба станцыі. Персанал кантралюе яго працу.