Вялікабрытанія аднавіла дыпламатычныя адносіны з Сірыяй пасля 14 гадоў

• 5.07.2025, 18:28

Кіраўнік МЗС Лэмі прыбыў у Дамаск.

Міністр замежных спраў Вялікабрытаніі Дэвід Лэмі ў суботу прыбыў з першым за апошнія 14 гадоў візітам у Сірыю.Гэта знак аднаўлення іх дыпламатычных адносін, аб'явіла прэс-служба брытанскага МЗС.

Лэмі абвесціў аднаўленне дыпламатычных адносін Вялікабрытаніі з Сірыяй падчас візіту ў Дамаск, які адбыўся праз восем месяцаў пасля звяржэння рэжыму Башара Асада.

У рамках візіту кіраўнік МЗС Вялікабрытаніі сустрэўся з пераходным прэзідэнтам Сірыі Ахмедам Аль-Шараа і міністрам замежных спраў Асадам Аль-Шайбані.

Падчас сустрэч Лэмі падкрэсліў "важнасць інклюзіўнага і прадстаўнічага палітычнага пераходу ў Сірыі і прапанаваў сірыйскаму народу падтрымку Вялікабрытаніі", адзначылі ў МЗС.

Міністр абвесціў што будуць выдзеленыя дадатковыя 2 мільёны фунтаў стэрлінгаў Арганізацыі ў забароне хімічнай зброі дзеля падтрымкі працы ў ліквідацыі хімічнай зброі ў Сірыі.

Акрамя таго, Лондан выдзяляе 94,5 мільёна фунтаў стэрлінгаў на аказанне сірыйцам тэрміновай гуманітарнай дапамогі, падтрымку доўгатэрміновага аднаўлення Сірыі праз адукацыю і забеспячэнне сродкаў да існавання, а таксама падтрымку краін рэгіёну, якія прымаюць сірыйскіх бежанцаў.