Келаг пракаментаваў размову Трампа з Зяленскім

• 6.07.2025, 15:47

Украінскі прэзідэнт назваў гэтую гутарку «найлепшай».

Спецпрадстаўнік прэзідэнта ЗША ў пытаннях Украіны Кіт Келаг расказаў, як прайшла тэлефонная размова амерыканскага лідара Дональда Трампа і ўкраінскага прэзідэнта Уладзіміра Зяленскага.

Вядома, што раней украінскі лідар назваў размову, якая адбылася 4 ліпеня, «найлепшай за гэта ўвесь час».

У той жа час Келаг напісаў на сваёй старонцы ў сацсетцы X:

«Добра. Гэта класічны Дональд Трамп. Заўсёды гатовы да спачування».

Акрамя таго, спецпрадстаўнік Трампа падзякаваў Зяленскаму пасля яго спачуванняў наконт жахлівай гібелі людзей падчас паводкі ў Тэхасе.

«Абодва прэзідэнты прызнаюць боль страты маладых людзей як у мірны, так і ў ваенны час. Спачуванне з'яўляецца ключавой часткай лідарства», - запэўніў Келаг.