77-гадовая амерыканка прадала ўсё і пераехала жыць на круізны лайнер

• 6.07.2025, 16:54

Былая выкладчыца разлічвае правесці ў круізе 15 гадоў.

77-гадовая Шэран Лэйн з Каліфорніі рэалізавала мару ўсяго жыцця - яна купіла каюту на борце лайнера Villa Vie Odyssey, піша CNN.

Гэта не турыстычны тур, а паўнавартасная купля жылля на судне: унутраныя каюты каштуюць ад $129 000. Акрамя таго, Шэрон будзе штомесяц плаціць $3000 — гэтая сума пакрывае харчаванне, напоі, уборку, мыццё, інтэрнэт і забаўляльныя мерапрыемствы на борце.

Былая выкладчыца разлічвае правесці ў круіз 15 гадоў.

На лайнеры працуюць рэстарацыі, ёсць медыцынская служба, забаўляльная праграма, уборка і пральня. Карабель можа змясціць да 500 жыхароў. Большасць - амерыканцы, канадцы і аўстралійцы, многія падарожнічаюць у адзіночку.

Круізны лайнер Villa Vie Odyssey пачаў сваё падарожжа ў кастрычніку 2024 года. Яго канструкцыя разлічана не толькі на скрыжаванне акіянаў, але і на перамяшчэнне па рэках і іншых унутраных водных маршрутах. Згодна з маршрутам, за 3,5 гады судна наведае 425 лакацый у 147 краінах свету.