Выйшаў на волю былы старшыня габрэйскай грамады ў Гародні

• 8.07.2025, 9:43

Мужчыну прысудзілі да 2 гадоў калоніі за «абразу» Лукашэнкі.

Былы старшыня габрэйскай грамады і дырэктар ТАА «Гродзенскае агенцтва нерухомасці» Раман Смірноў выйшаў на волю, паведаміла выданне Hrodna.life. Імаверна, ён быў сярод апошніх вызваленых паводле памілавання.

Мужчыну затрымалі ў красавіку 2024 года за каментары ў тэлеграм-каналах і адпраўку інфармацыі ў чат-боты «Беларусі галаўнога мозгу» і NEXTA.

Яго пачалі судзіць у жніўні 2024 года. Мужчыну прысудзілі да 2 гадоў калоніі за абразу Аляксандра Лукашэнкі.