З'явіліся спадарожнікавыя фота наступстваў удару па заводзе «Купал» у Іжэўску

• 8.07.2025, 10:01

Працавалі дроны Ан-196 «Люты».

У сеціве з'явіліся спадарожнікавыя здымкі расейскага вайсковага заводу «Купал» у Іжэўску. Пасля таго, як прадпрыемства «наведалі» два Ан-196 «Люты», яно спыніла працу.

На заводзе выраблялі ЗРК «Тор-М2» і «Аса-АКМ», а таксама бартавую апаратуру для ракет, БПЛА і электроніку для патрэб акупацыйнага войска РФ. Здымак завода пасля ўдару апублікаваны ў Telegram-канале Exilenova+.

«Іжэўск, АТ «Купал», наступствы ўдару па заводзе двума Ан-196 «Люты». Іжэўскі электрамеханічны завод «Купал» спецыялізаваўся на вытворчасці зенітных ракетных комплексаў «Тор-М2», «Аса-АКМ», бартавой апаратуры для ракет, трэніровачных комплексаў і БПЛА, а таксама вялікай колькасці іншай электронікі для патрэб УС РФ», – паказана ў каментары да спадарожнікавага здымка.

Украінскія БПЛА атакавалі завод «Купал» у Іжэўску 1 ліпеня. Паводле звестак расейскіх крыніц, у выніку атакі былі пашкоджаныя чатыры цэхі, звязаныя з вытворчасцю беспілотнікаў, напрыклад, цэхі металаапрацоўкі, пайкі мікрасхем і вытворчасці гатовых БПЛА. Некаторыя цэхі на прадпрыемстве працавалі 24 гадзіны.

Пасля таго, як на завод прыляцелі два Ан-196 «Люты», адзін з якіх, як скардзіліся расейцы, «заляцеў у акно цэха 106, іншы ўдарыў у дах цэха 110 і ўзарваўся, што выклікала пажар і разбурэнне даху на плошчы 1300 кв. м», прадпрыемства спыніла працу.

Каб унесці «карэктывы» ў працу прадпрыемства, якое самі расейцы называюць стратэгічна важным, украінскія БПЛА праляцелі больш за 1000 км.