У РФ самалёт упаў каля жылога дома і загарэўся

• 8.07.2025, 11:29

Борт упаў пасля страты кіравання.

У расейскай Казані (Рэспубліка Татарстан) самалёт упаў на пляц жылога дома, сцвярджаецца, што борт быў навучальны, паведамляе nv.ua.

Адпаведныя кадры ў аўторак, 8 ліпеня, апублікаваў расейскі паблік Shot.

Папярэдне, самалёт зачапіў крылом дрэва і лініі электраперадачы, пасля чаго ўпраў у жылым масіве Дзярбышках.

Аб пацярпелых не паведамляецца.

Улады Татарстана пацвердзілі падзенне «лятальнага апарата».

«Сёння ў Татарстане а 9:10 раніцы ў выніку выпрабавання цывільнага лятальнага апарата адбылася пазаштатная сітуацыя» - гаворыцца ў паведамленні прэс-службы кіраўніка рэспублікі.

Сцвярджаецца, што борт упаў пасля страты кіравання.