Трамп паабяцаў Зяленскаму неадкладна накіраваць Украіне ракеты для Patriot
- 8.07.2025, 14:02
У Axios раскрылі падрабязнасці.
Прэзідэнт ЗША Дональд Трамп паабяцаў Уладзіміру Зяленскаму даслаць Украіне 10 ракетаў для Patriot.
Пра гэта піша Axios са спасылкай на крыніцы.
Гэта менш, чым было запланавана ў пастаўцы, якая была прыпыненая. У той самы час Трамп таксама паабяцаў Зяленскаму дапамагчы знайсці іншыя шляхі пастаўкі.
Выданне адзначыла, што канцлер Нямеччыны Фрыдрых Мерц падчас размовы паведаміў Трампу, што ФРГ гатовая набыць батарэі Patriot у ЗША і накіраваць іх ва Украіну.
У сваю чаргу Трамп прапанаваў Нямеччыне прадаць Украіне адну са сваіх батарэй Patriot.
Уладзімір Зяленскі раней заявіў, што Украіна працуе з амерыканскім бокам для адпаведных пастановаў датычна Patriot і ракетаў да іх.