Войска РФ адклала планы па захопе Сумскай вобласці праз хітры план УСУ

• 8.07.2025, 14:33

Сілы абароны Украіны ўдала выкарысталі момант.

Акупацыйныя войскі краіны-агрэсаркі Расеі не атрымліваюць чаканага выніку атак на Сумскім кірунку. Пра гэта ў эфіры «24 канала» расказаў выканальны дырэктар Украінскага цэнтра бяспекі і супрацоўніцтва Дзмітрый Жмайла.

Паводле ягоных словаў, Сілы абароны Украіны змаглі спыніць прасоўванне акупантаў, удала выкарыстаўшы момант, калі вораг быў у слабой пазіцыі. У выніку расейцы нясуць немалыя страты праз паспяховыя контрнаступальныя дзеянні УСУ.

На цяперашні стан, як кажа Жмайла, лакальная ініцыятыва перахопленая Сіламі абароны Украіны, а тэмпы прасоўвання перавышаюць тэмпы руху расейскіх вайскоўцаў.

«Не магу сказаць, што для Сумшчыны ўсё скончана, але мы сапраўды спрабуем стабілізаваць лінію баявога судотыку. Планы расейцаў датычна Сумаў і выхаду на ўзвышшы, на поўдзень ад Юнакоўкі і Кандратаўкі, пакуль адкладаюцца», – дадаў ён.