Некаторыя выпускнікі змогуць атрымаць вызваленне ад ЦЭ

• 8.07.2025, 15:15

Новае правіла 1 верасня пачне дзеянне.

У Беларусі некаторыя адзінаццацікласнікі могуць быць вызваленыя ад здачы цэнтралізаванага іспыту (ЦЭ) паводле медыцынскіх паказанняў, паведамляе БелТА.

З 1 верасня ў Беларусі пачне дзеянне новае правіла: выпускнікі 11-х класаў змогуць быць вызваленыя ад ЦЭ паводле медыцынскіх паказанняў. Да гэтага часу такая магчымасць існавала толькі для дзевяцікласнікаў, а сярод адзінаццацікласнікаў – толькі для тых, хто навучаецца дома.

Як паведаміла намесніца міністра адукацыі Анжэла Кудаярава, для вызвалення спатрэбіцца выснова ўрачэбна-кансультацыйнай камісіі (УКК). Пералік захворванняў, пры якіх дапускаецца не здаваць ЦЭ, зацвердзіць Міністэрства аховы здароўя.

Сцвярджаецца, што новаўвядзенне прынятае праз звароты бацькоў.