Кіраўнік NATO зрабіў новую заяву пра РФ

• 8.07.2025, 16:26

Расея можа дапамагчы Кітаю.

Генеральны сакратар NATO Марк Рутэ заявіў, што Расея можа атакаваць адну з краінаў Альянсу, каб адвярнуць увагу Еўропу і дапамагчы Кітаю пачаць уварванне на Тайвань.

Такое меркаванне ён выказаў у інтэрв'ю The New York Times падчас саміту NATO ў Брусэлі, піша Independent (пераклад – сайт Charter97.org).

Паводле словаў Рутэ, у выпадку нападу Кітая на Тайвань, старшыня КНР Сі Цзіньпін можа звярнуцца да Пуціна з просьбай пачаць ваенныя дзеянні ў Еўропе, каб аслабіць заходнюю рэакцыю.

«Калі Сі Цзіньпін пастановіць атакаваць Тайвань, ён спачатку патэлефануе свайму малодшаму партнёру – Уладзіміру Уладзіміравічу Пуціну ў Маскве – і скажа: “Я пачынаю, адвярні Еўропу”», – адзначыў Рутэ.

Ён дадаў, што такі сцэнар «найбольш верагодны» і яго неабходна прадухіліць.

Кітай уважае Тайвань за адколатую правінцыю і не выключае сілавога варыянту «ўз'яднання». Большасць жыхароў вострава аддаюць перавагу захоўваць статус-кво дэ-факта незалежнасці.

Рутэ падкрэсліў, што стрымліванне агрэсіі магчыма толькі пры дзвюх умовах: вайсковай моцы NATO і цесным супрацоўніцтве з Інда-Ціхаакіянскім рэгіёнам. Ён таксама адзначыў, што прэзідэнт ЗША Дональд Трамп актыўна прасоўвае ідэю аб'яднання намаганняў з гэтым рэгіёнам.

Кіраўнік NATO пахваліў амерыканскіх палітыкаў Марка Рубіа і Піта Хегсета за ўдзел у фармаванні «моцнай знешнепалітычнай каманды» пры Трампу, нягледзячы на спрэчкі вакол ягонай ролі ў блізкаўсходнім канфлікце.