Жаўнерам УСУ ўдалося вырвацца з акружэння

• 8.07.2025, 18:01

Складаная сітуацыя склалася ў Данецкай вобласці.

Байцы 31-й асобнай механізаванай брыгады (31 ОМБр) Сухапутных войскаў Узброеных сіл Украіны выйшлі з акружэння на паўночным кірунку ад Раўнаполя Данецкай вобласці.

Пра гэта ў аўторак, 8 ліпеня, паведамілі аналітыкі праекту DeepState.

«Скончылася працяглая эпапея ўтрымання складанага ўчастка фронта, акружанага з трох бакоў. Усе байцы, якія знаходзіліся на пазіцыях, змаглі выйсці цэлымі, толькі адзін лёгка паранены», - гаворыцца ў паведамленні.

« Вайскоўцы 31 ОМБр праявілі стойкасць і трымаліся значна даўжэй, чым патрабавалася. Чарговы подзвіг украінскай пяхоты, менавіта на такіх і трымаецца многае на фронце», - падкрэслілі аналітыкі.