Еўрадэпутат: Беларусь у NATO - лепшая альтэрнатыва

• 8.07.2025, 18:09

Наша краіна стане гарантам бяспекі для ўсяго рэгіёна.

Еўрадэпутат ад Швецыі Томас Тобе у інтэрв'ю сайту Charter97.org выказаўся за інтэграцыю Беларусі ў ЕЗ і NATO.

- Дзе вы бачыце Беларусь на геапалітычнай мапе?

- Беларусь знаходзіцца ў самым сэрцы Еўропы. Як мы ўбачылі на прыкладзе скрадзеных выбараў у 2020 годзе, відавочна ёсць беларусы, якія проста жадаюць жыць добра: свабодна жыць у Еўропе. Вось за што мы павінны змагацца. Я бачу шмат адвагі ў беларускай апазіцыі, і мы робім усё магчымае, каб падтрымаць яе. Тысячы людзей знаходзяцца ў вязніцах у жахлівых умовах. Рэжым Лукашэнкі існуе занадта доўга. Ён марыянетка Пуціна, і мае патрэбу ў падтрымцы, каб заставацца ва ўладзе, і, магчыма, калі мы развяжам праблему з Пуціным, тое ж самае адбудзецца і з Лукашэнкам, хто ведае?

- Ці бачыце вы Беларусь у якасці чальца NATO ?

- Я думаю, гэта была б найлепшая альтэрнатыва, таму што гэта гарантыя, якая нам патрэбная ў рэгіёне. Шмат хто кажа, што сяброўства ў NATO справакавала Пуціна пайсці ва Украіну — гэта расейская версія. Той самы аргумент вы чуеце пра Беларусь. Але ў нашым разуменні стаць чальцом NATO не з'яўляецца варожым дзеяннем. Гэта проста азначае, што калі вы нападзеце на нас, то так, мы будзем абараняць адзін аднаго разам. Самы эфектыўны спосаб гарантаваць бяспеку ва Украіне і ў Беларусі - удзел у NATO. Гэта самы эфектыўны спосаб забяспечыць будучыню для ўсіх.