Аперацыя «Труба»: выявілася непрыемная для расейцаў праўда

• 8.07.2025, 18:45

Акупантаў кінулі ў газавую пастку.

З'явіліся новыя падрабязнасці аперацыі УС РФ «Труба»», якая была праведзеная ў сакавіку ў Курскай вобласці. Новыя сведчанні кантрактнікаў раскрываюць жорсткую праўду пра тое, якім коштам расейская прапаганда дамагалася міфічнага «поспеху», піша «Дыялог».

Як расказаў адзін з удзельнікаў аперацыі са складу 30-га мотастралковага палка, падрыхтоўка да прарыву праз газавую трубу доўжылася каля пяці месяцаў. Увесь працэс суправаджаўся глыбокай сакрэтнасцю: падкопы рабіліся ўручную, выйсце з трубы выразалі ў цішыні, імкнуліся не падаваць ніякіх прыкмет жыцця на паверхні. Акупанты тыднямі не выходзілі вонкі, каб не быць заўважанымі выведкай УСУ.

Аднак гэтае «гераічнае» падземнае пранікненне хутка ператварылася ў жах. Труба, па якой прасоўваліся вайскоўцы, была насычаная рэшткамі метану. Праз недахоп кіслароду ў вайскоўцаў РФ пачыналіся наймацнейшыя прыступы ўдушша і галюцынацыі.

«Свядомасць трацілі па некалькі разоў. Некага крывёю ванітавала,нехта харкаў. У аднаго нага не дзейнічала. Ён тупа поўз, не мог ісці… Ён хацеў жыць, таму поўз», - расказаў адзін з тых, хто выжыў.

Людзі засыналі на хаду ад гіпаксіі. У кагосьці пачыналіся крывацёкі, іншыя ўпадалі ў гістэрыку. Некаторыя ад роспачы пускалі сабе кулю ў лоб, пра гэта расказалі адразу некалькі відавочцаў: «Там такіх шмат хлопцаў.

Дадатковы жах дадавалі паводзіны «кадыраўцаў», якія таксама ўдзельнічалі ў аперацыі. Тыя, паводле слоў відавочцаў, адбіралі ў вайскоўцаў ваду і ежу, не даючы элементарнага шанцу на выжыванне.

«Там «Ахмат» разбіраў, расстрэльваў, яны ваду адбіралі, жрачку. Проста забіралі! Кіслароду няма, газам надыхаўся і пачынаеш вар'яцець», — падзяліўся адзін з акупантаў.

Большасць удзельнікаў гэтай аперацыі так і не выбраліся вонкі: частка задыхнулася ў трубе, іншыя былі ліквідаваныя УСУ адразу падчас выхаду - украінская выведка заўважыла перамяшчэнне загадзя і чакала напагатове. Тыя, хто ўсё ж застаўся жывы, зараз пакутуюць ад вельмі цяжкіх параз дыхальнай сістэмы, у многіх развіваецца анкалогія. Са слоў тых, хто выжыў, кампенсацый яны не атрымалі, пра узнагароды ніхто нават не гаварыў.

Спецыялісты адзначаюць: аперацыя была арганізаваная вельмі нядбайна. Разам з гэтым у ёй не было ніякай тэрміновай неабходнасці. На момант штурму ўкраінскія войскі пачалі адводзіць сілы з Суджы. Гэта значыць, што прарыў праз газаправод не меў стратэгічнай важкасці - вайскоўцаў кінулі ў газавую пастку дзеля сюжэтаў на расейскіх тэлеканалах.