Іран адмовіўся ад расейскіх сістэм СПА

• 8.07.2025, 19:28

Тэгеран робіць стаўку на кітайскія сістэмы.

Іран пачаў атрымліваць кітайскія зенітна-ракетныя батарэі пасля фактычнага спынення баявых дзеянняў з Ізраілем 24 чэрвеня, паведамляе Middle East Eye.

Пастаўка кітайскіх сістэм СПА - гэта намаганні Ірана аднавіць паветраную абарону, якая сур'ёзна пацярпела падчас нядаўняга канфлікту з Ізраілем.

Паводле крыніц, Іран расплачваецца за ўзбраенне нафтай - Кітай з'яўляецца найбуйнейшым імпарцёрам іранскай нафты, і прыкладна 90% паставак менавіта туды.

Дакладная колькасць атрыманых батарэй не ўдакладняецца, але пазначана, што пастаўкі пачаліся адразу пасля перамір'я.

Такім чынам, Тэгеран адмаўляецца ад расейскіх сістэм С-300, якія былі ў яго на ўзбраенні. Іранскія вайскоўцы прызналі іх неэфектыўнымі.