Аграфрустрацыя Лукашэнкі

• Telegram-канал «Ник і Майк»
• 8.07.2025, 19:38

Адсутнасць грошай і рэакцыі ў Крамлі вельмі моцна нервуюць дыктатара.

Лукашэнка фруструе. У яго выкананні гэта выглядае, як аграфрустрацыя - паездка да козачак, якія сталі ў моманце новым «вундэрвафэ».

Вонкавы контур, нягледзячы на прадпрынятую эквілібрыстыку, не гатовы да сур'ёзных крокаў. Паўнавартасныя перамовы з ЗША - за даляглядам. Агульныя інтарэсы ў перспектыве не праглядаюцца. Захаванне некаторай аўтаноміі - гэта максімум таго,чаму адміністрацыя Дональда Трампа гатовая мірыцца з існаваннем аграхунты. Такая пазіцыя не гарантуе выжывання ў доўгатэрміновай перспектыве.

Расея пасля бамбардзіровак грамадзянскай інфраструктуры Украіны стаіць перад перспектывай увядзення больш жорсткіх санкцый з боку ЗША і Еўропы. Разам з гэтым Еўропа гатовая ўвесці больш сур'ёзныя абмежаванні, чым тыя, якія заблакавалі нядаўна Славакія і Вугоршчына. Гэта аўтаматычна ударыць па Лукашэнкавым супольніку. Танная нафта - не выгада, а ўдар па эканоміцы. Расея не зможа ранейшымі аб'ёмамі купляць прадукцыю хунты і кантрабас, які праз яе ідзе.

Адначасова Пуцін таксама выдатна разумее, што падлашчванні Лукашэнкі да Захаду ні да чаго не прывядуць. Так, рытуальныя танцы. І там няма нават асаблівага раздражнення, проста няма часу рэагаваць, а таксама рэсурсаў на падтрымку апетытаў саюзнічка.

Адсутнасць грошай і рэакцыі ў Крамлі Лукашэнку вельмі моцна нервуюць. Няма горшага адчування за тое, што ты нікому не патрэбен.

Telegram-канал "Ник і Майк"