Трамп пракаментаваў аднаўленне дапамогі ЗША Украіне

• 8.07.2025, 20:26

Гэта адказ на дзеянні Пуціна.

Прэзідэнт ЗША Дональд Трамп заявіў, што не ведае, хто аддаў загад аб прыпыненні перадачы ваеннай дапамогі Украіне.

Пра гэта кіраўнік амерыканскай дзяржавы заявіў 8 ліпеня, выступаючы перад журналістамі.

Такі адказ ён даў на пытанне - «Хто аддаў загад аб прыпыненні дапамогі Украіне?»

"Я не ведаю, можа, вы мне скажаце?", - сказаў Трамп.

Прэзідэнт ЗША паўтарыў зробленую напярэдадні заяву, што ён ухваліў пастаўкі Украіне "зброі для абароны".

«Мы хацелі [даць Украіне - рэд.] зброю для абароны, таму што Пуцін непаважліва ставіцца да чалавечага існавання. Ён забівае зашмат людзей. Таму мы адпраўляем Украіне пэўную зброю для абароны, я гэта ўхваліў», - падсумаваў ён.