Украінскія дэсантнікі ўзялі ў палон афіцэра расейскага войска

• 9.07.2025, 16:20

І паказалі гэта на відэа.

Ваяры-дэсантнікі 77-й асобнай аэрамабільнай брыгады з дапамогай дрона прымусілі расейскага афіцэра здацца ў палон.

Пра гэта паведамляе камандаванне Дэсантна-штурмавых войскаў Узброеных сілаў Украіны.

Вайскоўцы расказалі, што падчас выканання баявога задання аператар дрона 77-й асобнай аэрамабільнай Наддняпранскай брыгады УСУ двума дакладнымі скідамі параніў афіцэра войска РФ. Пасля ўдараў вораг зразумеў, што супраціў – бессэнсоўны, і выявіў жаданне здацца ў палон.

Украінскія дэсантнікі адзначылі, што, нягледзячы на кропапралітную вайну, яны дзейнічаюць у рамках міжнароднага гуманітарнага права. Палоннаму расейскаму афіцэру прапанавалі першую медыцынскую дапамогу, далі ваду і ежу – усё згодна з патрабаваннямі Жэнеўскіх канвенцый.

«Гэты выпадак – яшчэ адзін напамін: жыццё – гэта выбар. І адзін з расейскіх афіцэраў абраў здацца, каб выжыць», – гаворыцца ў паведамленні.