УСУ адным ударам дрона знішчылі ўвесь мотатранспарт расейцаў, які тыя сабралі для штурму

• 9.07.2025, 11:52

«Найлепшы бой – той, які не адбыўся».

На адным з адрэзкаў фронту УС РФ страцілі ўвесь мотатранспарт, які сабралі для будучага штурму. Яго спалілі байцы падраздзялення Sky Fury 3-га батальёна 54 АМБр імя гетмана Івана Мазепы. Пра гэта яны паведамілі ў сваім тэлеграм-канале.

Так, украінскія абаронцы знайшлі памяшканне, дзе расейскія акупанты пачалі збіраць матацыклы для будучага штурму. Штурм так і не адбыўся, таму што расейцам не стала на чым ехаць дзякуючы працы ўкраінскіх аператараў БПЛА. Яны знішчылі цэлы аўтапарк расейскіх штурмавікоў.

«Найлепшы бой – гэта той, які не адбыўся. Адно дакладнае траплянне, і ўвесь мотатранспарт (6 байкаў), які збіраўся для штурму нашых пазіцый – знішчаны», – пракаментавалі ў Sky Fury.

На апублікаваных кадрах відаць, як украінскі дрон залятае ў будынак з акуратна прыпаркаванымі варожымі байкамі, разбіраючы іх на запчасткі.