Сёння - дзень нараджэння Мікалая Статкевіча
- 12.08.2025, 9:45
Лідару беларускай апазіцыі споўнілася 69 гадоў.
Мікалай Статкевіч ужо шосты дзень нараджэння запар сустракае за кратамі. Пра палітыка няма звестак з 9 лютага 2023 года.
Мікалай Статкевіч быў асуджаны на 14 гадоў пазбаўлення волі, яго абвінавацілі ў «арганізацыі масавых беспарадкаў» (арт.293 Крымінальнага кодэкса Беларусі).
З пачатку ліпеня 2022 года - з таго часу, як Мікалай Статкевіч пачаў адбываць пакаранне ў Глыбоцкай калоніі.
Мікалай Статкевіч утрымліваецца ў калоніі ў максімальна жорсткіх умовах: палітыка трымаюць у адзіночнай камеры ў небяспечных для здароўя ўмовах. Стала вядома, што ў зняволенні Мікалай Статкевіч некалькі разоў перахварэў на COVID-19.
Галоўная рэдактарка сайта Charter97.org Наталля Радзіна запатрабавала ад беларускіх уладаў зняпраўдзіць атрыманую ад некалькіх крыніц інфармацыю аб магчымай смерці ў турме Мікалая Статкевіча.
«Пакажыце Міколу Статкевіча, калі ён жывы, яго самаму блізкаму і роднаму чалавеку — Марыне Адамовіч. Дазвольце ім спатканне ці хаця б відэазванок!
У адваротным выпадку ваша маўчанне будзе азначаць, што крыніцы маюць рацыю і на сумленні Лукашэнкі і ягоных карнікаў смерць яшчэ аднаго палітвязня», - заявіла Наталля Радзіна.
Да акцыі далучыўся цэлы шэраг еўрапейскіх палітыкаў.
Чым вядомы Мікалай Статкевіч
У 1991 годзе Статкевіч абвясціў аб стварэнні «Беларускага згуртавання вайскоўцаў», якое ставіла мэтай «стварэнне беларускага войска, абарону незалежнасці і гісторыка-патрыятычнае выхаванне грамадства».
У 1999 годзе Мікалай быў адным з арганізатараў «Маршу Свабоды», накіраванага супраць так званай «саюзнай дзяржавы» і палітыкі Аляксандра Лукашэнкі. «Марш Свабоды» паказаў усяму свету, што ў Беларусі жыве народ, які абірае еўрапейскі дэмакратычны шляху развіцця, а не сярэднявечную дыктатуру і барбарства.
У 2005 годзе Статкевіча прысудзілі да 3 гадоў абмежавання волі за арганізацыю мірнай дэманстрацыі супраць фальсіфікацыі вынікаў рэферэндуму 2004 года.
У 2010 годзе Мікалай быў адным з кандыдатаў у прэзідэнты на выбарах. Яго арыштавалі пасля масавай дэманстрацыі пратэсту супраць фальсіфікацый прэзідэнцкіх выбараў 19 снежня 2010 года. Мікалай правёў амаль пяць гадоў за кратамі і выйшаў на волю толькі 22 жніўня 2015 года. Пасля вызвалення Статкевіч працягнуў барацьбу супраць рэжыму Лукашэнкі і прымаў актыўны ўдзел ва ўсіх акцыях пратэсту.
31 траўня 2020 года Мікалай Статкевіч быў затрыманы па дарозе на пікет, а ў снежні 2021 года прысуджаны да 14 гадоў калоніі асаблівага рэжыму.
Нагадаем, што за сваю мужнасць у супраціве рэжыму Статкевіч правёў у зняволенні больш за 10 гадоў. Палітык тройчы быў прызнаны Amnesty International вязнем сумлення. Нават знаходзячыся ў зняволенні, Мікалай Статкевіч застаецца для беларусаў сімвалам стойкасці духу.